Ў Беларускім джяжаўным эканамічным універсітэце адбыўся міжуніверсітэцкі фестываль студэнтаў “Я люблю Беларусь”, які арганізавалі Інстытут сацыяльна-гуманітарнай адукацыі (дырэктар -- прафесар Лапцёнак Аляксандр Сяргеевіч) сумесна з Рэспубліканскім грамадскім аб’яднаннем “Белая Русь” Завадскога раёна г. Мінска (старшыня Нехайчык Аксана Уладзіміраўна).
Вядома, што студэнцкая моладзь – гэта інтэлектуальны капітал дзяржавы. Але для паспяховага развіцця сучасным студэнтам патрэбна ўзаемадзейнічаць не толькі з выкладчыкамі, але і з таленавiтымі студэнтамі іншых вузаў, што і адбылося на міжуніверсітэцкім фестывалі “Я люблю Беларусь”.
Асноўным змястоўным кампанентам фкстываля былі інтэлектуальныя гульні на веданне гісторыі Беларусі, яе значных падзей, а таксама вядомых людзей, якія ўнеслі вялікі ўклад у росквіт нашай Радзімы. У фестывалі ўдзельнічалі студэнты першых курсаў: універсітэта грамадзянскай абароны Міністэрства па надзвычайных сітуацыях РБ; Беларускай дзяржаўнай акадэміі авіяцыі; ІСГА; ФМБК; ФЭМ. У складзе журы фестываля працавалі: Наталля Іванаўна Палятаева – загадчык кафедры эканамічнай гісторыі БДЭУ, прафесар, доктар гістарычных навук - старшыня журы, Аляксандр Сяргеевіч Лапцёнак – дырэктар ІСГА, прафесар, доктар філасофскіх навук, Петрычэнка Алена Уладзіміраўна – дэкан ФЭМ, кандыдат эканамічных навук, дацэнт.
Спачатку з прывітальнай песняй “Простыя словы” выступіў студэнт 3 курса ІСГА Астроўскі Ўладзімір, і ўсе студэнты яму дружна падпявалі. Потым прайшлі галоўныя мерапрыемства фестываля:
- “Прывітанне каманд”.
-“Свая гульня” (пісьмова па тэме “Гісторыя Беларусі”).
-“Медыя-азбука” (30 слайдаў вядомых пярсон Беларусі).
-“Эрудыт-квартэт” (па правілах “Брэйн-рынга”).
-Эрудыт-дуэт” (па правілах “Брэйн-рынга”).
Першае месца па выніках усіх тураў атрымала каманда “Будучыня Радзімы” Інстытута сацыяльна-гуманітарнай адукацыі БДЭУ (капітан каманды -- Волкаў Сяргей); другое месца дасталося камандзе “Вогненныя змагары” універсітэта грамадзянскай абароны Міністэрства па надзвычайных сітуацыях РБ (капітан каманды Гараеў Юрась); трэцяе месца заняла каманда “Камунікатар” факультэта міжнародных бізнес-камунікацый БДЭУ (капітан каманды – Разіна Ганна). І прыз сімпатый гледачоў дастаўся камандзе “Стужачка” факультэта эканомікі і менэджмента БДЭУ (капітан каманды – Алтушонак Вадзім).
Незадаволеных вынікамі не было, таму што: па-першае, падчас правядзення фестываля студэнты паспелі пасябраваць, і таму добразычліва і з павагай ставіліся да поспехаў пераможцаў; па-другое, ўсе каманды атрымалі прызы, якія падрыхтавала РАА “Белая Русь” Завадскога раёна г. Мінска. Такім чынам, фестываль “Я люблю Беларусь” аказаўся надзвычай плённым. Ён спрыяў выхаванню ў студэнтаў патрыятызму і пачуццю гонару за сваю краіну.
Арганізатар і вядучая фестываля старшыня РАА “Белая Русь” БДЭУ Л.І. Падгайская (дацэнт каф. эк сацыялогіі, кандыдат сацыялагічных навук).
