На зялёных узлесках, пры жыце, па берагах азер і рэчак на Беларусі, уноч з 6 на 7 ліпеня перад Янам, запальваюцца урачыстыя агні і разам з высокім полымем іх у неба ляціць купальская песня. Традыцыйна ў Заводскім раёне нашай сталіцы, на беразе жывапіснага Чыжоўскага водасховішча ў парку 900-годдзя г.Мінска 6 ліпеня з 18.30 да 22.00 адбуддзецца самае старажытнае земляробчае свята «Купалле».
На павозцы прыедуць да гледачоў «Купаліш» і «Купалінка», паведаюць пра гісторыю правядзення свята «Купалле» на Беларусі, пра традыцыі і звычыі святкавання. Распачнецца свята гульневай праграммай «Купальскія ігрышчы».
Шмат легендаў і казак пра чароўнае Куралле перадавалі нашы продкі з пакалення ў пакаленне. Арганізатары абяцаюць цікавую праграму свята па матывах купальскіх лэгендаў і паданняў.
На сцэнічнай пляцоўке разгорнецца тэатралізаванае прадстаўленне, музычныя падарункі ад народнага вакальнага ансамбля «Белы птах», фальклорнага ансамбля «Святкі», фольк-медыа гурта «Малінаўка-compani», народнага ансамбля народнай песні і музыкі «Щодрыца», а таксама жартоўная праграма для дарослых ад EVENT-праекта «Дзед і баба» і интэрактыўна-забаўляльнае шоу «ХХL».
Маладыя дзяўчаты пойдуць «красачкі рваці, ды Яна ўспамінаці. Усе дзевачкі кветачкі рвуць, вяночкі плятуць.Бальшым дзеўкам па вяночку, малым дзеўкам па цвяточку.Бальшыя дзеўкі замуж пайдуць, а малыя-гуляць будуць». Купальская ночка цёмная, таямнічая. Дрэвы набудуць чароўную моц, ведзьмы з нечысццю разгул пачнуць...
Самым смелым пашчасціць знайсці папараць-кветку.
Апафіёзам свята стане паяўленне старажытнага славянскага богу агню Пяруна ў сурпаваджэнні світы прыгажунняў - «Бліскавіц» і адбудзецца карнавальнае шэсце да чароўнага вогнішча, якое абагрэе свята святлом магічнага ачышчальнага агню.